Historitë e përrallave janë pak a shumë me një princ ose një pasanik i cili bie në dashuri me një vajzë të thjeshtë dhe jetojnë të lumtur përgjithmonë. Por kjo historia e mëposhtme është më e bukur se çdo përrallë dhe mbi të gjitha është reale.
Bëhet fjalë për një çift që sot kanë 12 vite martesë, dhe dy fëmijë binjakë prej saj, por historia e tyre është vërtetë për tu admiruar. Emmy Abrahamson ishte 30 vjeç kur në një stol në Amsterdam takoi Vic Kocula-n, i cili praktikisht jetonte aty. Që prej momentit të parë, edhe pse ai ishte i pisët, me mjekërr të madhe, dhe me rroba të grisura, Emmy arriti të dallonte sytë më të bukur në botë. Ishte viti 2006, kur suedezja e cila jetonte në Vjenë, do të njihte dashurinë e saj.
Ata folën gjatë, dhe menjëherë muhabeti i shkoi vaj. Ajo duhet të rikthehej në Vjenë pas dy takimesh dhe as vet nuk e dinte se çfarë do ndodhte me historinë e tyre. I la Vic-ut numrin e telefonit, dhe pas telefonatës së parë, ai e ndoqi pas në Vjenë, dhe që prej asaj dite nuk u ndanë më kurrë.
Me të shkuar në vjenë, endacaku nisi një shkollë për inxhinieri mekanike, dhe sot punon në profesion, duke mbajtur familjen e tij. Epo ja që përrallat mund të bëhen realitet./Opinion.al
