Ish-kryeministri Sali Berisha, ka reaguar sërish, një ditë pas Kuvendit që zhvilloi në “Air Albania”.
Përmes një postimi në rrjetin social “facebook”, ai iu është drejtuar demokratëve, duke pohuar se kohët e fundit kanë qenë të mundimshme dhe të vështira për Partinë Demokratike.
Ai shkruan se dje është dhënë një përgjigje dinjitoze dhe madhështore përmes mbledhjes së Kuvendit Kombëtar të Rithemelimit të PD, i cili sipas tij u thirr nga delegatët.
Berisha iu drejtohet duke thënë se sot nuk është koha për dyshim, por koha për veprim.
“Te dashur demokrate dhe demokratë!
Kohet e fundit kane qene te mundueshme dhe te veshtira per Partine Demokratike. E di qe shume prej jush kane dyshuar, ndoshta edhe jane trembur per shkak te fushates se fuqishme lincuese qe eshte mbajtur kunder personit tim dhe levizjes se Foltores.
Megjithate, ne te gjithe se bashku, Delegate dhe militante u dhame pergjigjen me dinjitoze, me te bukur dhe me madheshtore dje nepermjet mbledhjes historike te Kuvendit Kombetar te Rithemelimit te Partise Demokratike thirrur nga Delegatet.
Sot nuk eshte me koha e dyshimit, sot eshte koha e veprimit.
Ju pres te gjitheve ne shtepine e kontributeve, sakrificave dhe idealeve tone te perbashketa, Partine Demokratike, per te vazhduar betejen kunder te keqes qe ka mberthyer Shqiperine tone te dashur.
Me nderim te veçant per kontributin e secilit prej jush,
Sali Berisha!”-shkruan ai./Opinion.al
