Një ditë pas zhvillimit të Kuvendit, të thirrur nga Kryesia e PD dhe Lulzim Basha, ka ardhur edhe një reagim nga ky i fundit.
Në një postim në “Facebook”, Basha ka bërë publike një fragment nga Kuvendi i zhvilluar në Pallatin e Kongreseve.
Kreu i PD shkruan se ata kanë zgjedhur të ardhmen dhe kanë zgjedhur të ndryshojnë për mirë.
Ndërsa ndan edhe videon me fragmentin e shkëputur nga Kuvendi i zhvilluar ditën e djeshme, Basha shkruan:
Zgjodhëm të ardhmen, zgjodhëm të ndryshojmë për mirë. Sepse si do të jetë Partia Demokratike sot, do të jetë Shqipëria nesër!
Kujtojmë se një ditë më parë, u mbajt Kuvendi i Lulzim Bashës dhe Referendumi nga Sali Berisha. Sipas këtij të fundit Basha është shkarkuar nga drejtimi i PD me votat e demokratëve. Ndërsa Basha e konsideroi nul Kuvendin e 11 dhjetorit dhe tha se dje PD ka organizuar vetëm një Kuvend, duke mos njohur Referendumin e mbajtur nga Berisha./Opinion.al
