Presidenti Meta u ka bërë thirrje sot institucioneve të pushtetit vendor dhe lokal për të ndërmarrë plane të detajuara për përballimin e epidemisë së koronavirusit.
Në një konferencë për mediat ai shprehu mbështetjen e tij në radhë të parë për personelin mjeksor i cili do t’i duhet të përballet me rrezikun e koronavirusit.
Mbështes të gjithë të gjithë personelin shëndetësor, mjeket dhe infermierët, të cilët do të duhet të përballen me këtë rrezik. Kërkoj bashkërendimin e gjithë burimeve. Institucionet të marrin masat për sigurimin e jetës së çdo qytetari. Të nisin trajnimin për të gjithë personelin. Si president i republikës po e ndjek situatën hap pas hapi. Apeloj për plane të detajuara për çdo strukturë dhe individ. Plan rigoroz të çdo strukture, për financim të plotë për mjetet dhe personelin që do të angazhohet në këtë operacion. Plan të detajuar ekonomik për planet ekonomike mbështetëse për të përballuar këtë pandemi.
Sa i përket nevojës për mbledhjen e Këshillit të Sigurisë, Meta tha se kjo nuk është koha për të bërë mbledhje mbi mbledhje
“Nuk është koha për të zhvilluar mbledhje mbi mbledhje. Kam kërkuar marrjen e masave që në 31 janar. I kam bërë kërkesë edhe më të fortë për përshkallëzimin e masave pas situatës në itali. Jemi në komunikim të vazhdueshëm me institucionet e qeverisë”.
Që nga dita e sotme Shqipëria është futur në hartën e vendeve të prekura me koronavirus. Dy rastet e para të konfirmuara janë babë e bir të cilët janë nën kujdesin e mjekëve.
Ditën e djeshme Presidenti Meta apeloi për marrjen e masave të “Zonës së Kuqe” ndërsa sot qeveria vendosi që të pezullojë fluturimet me veriun e Italisë dhe lundrimet. Shkollat u mbyllën gjithashtu për 2 javë ndërsa u pezulluan të gjitha aktivitetet që përfshijnë pjesëmarrje masive të njerëzve. /Opinion.al
