Kritikët e Lulzim Bashës kanë organizuar sot një takim ne Akademinë e Arteve, pak orë para zgjedhjeve për kreun e ri të PD. Besnik Mustafaj, një nga ish-themeluesit e PD, u shpreh në fjalën e tij:
“Nuk bëhem pjesë e një gare farsë, prandaj nesër unë nuk shkoj të votoj.
Me marrëveshjen me Edi Ramën para zgjedhjeve, Basha nuk e shkatërroi vetëm PD por krejt të djathtën shqiptare.
Lëvizja jonë duke i kërkuar dhe imponuar PD zgjedhje të lira dhe të drejta, garë të ndershme transparente, kthimin e saj në një hapërisë lirie dhe debati, në të vërtet do jetë ringritja e të djathtës shqiptare në rolin që asaj i ka caktuar historia dhe që nuk mund t’ja mohojë as Rama as Basha. Në këtë frymë do jetë ky takim në prag të së shtunës 22 e cila shënon futjen e kësaj lëvizje në një etapë të re për të arritur atë qëllim të madh”.
