TIRANË- Personi që ngriti dronin në Beograd një vit më parë, Ismail (Ballist) Morina është arrestuar një ditë para ndeshjes Shqipëri-Serbi në Elbasan Arena. Policia bën të ditur se Morina u kap me armë pa leje pas mesnate, në rrugën “Petro Nini Luarasi”. Gjatë kontrollit fizik ndaj tij është gjetur e fshehur në trup një armë zjarri e tipit pistoletë “Zastava Mino Blow” model serb me 6 fishekë. Po sipas policisë, gjatë kontrollit të mjetit fuoristradë Land Rover AA 874 KY me të cilën udhëtonte Morina është gjetur edhe një armë tjetër pistoletë, tip TT, si dhe 30 fishekëve për këtë pistoletë”.
Bashkë me Ismail Morinën janë arrestuar edhe 3 shokë të tij, pjesetare te grupit “Tifozet KuqeZi” të cilët udhëtonin në fuoristradën Land Rover. Erion Bahushi 22-vjeç, Denis Balla 21-vjeç dhe 20-vjeçari Marin Rexha.
Morina kishte me vete edhe 36 bileta për ndeshjen Shqipëri-Serbi që luhet të enjten e 8 tetorit në Elbasan Arena.
