Partia Demokratike ka reaguar pasi kryeministri Rama njoftoi largimin e Drejtorit të Përgjithshëm të Policisë së Shtetit, Ardi Veliu.
Sekretari i përgjithshëm i PD-së, Gazment Bardhi ka deklaruar se tashmë në Policinë e Shtetit është një bandit më pak.
Më tej, Bardhi shkruan se Veliu ka qenë çdo ditë në shërbim të grupeve kriminale dhe rrjeteve të trafikut ndërkombëtar të drogës, ndërsa thekson se largimi i tij ishte i detyruar, pavarësisht rezistencës së gjatë të kryeministrit, Edi Rama.
Deklarata e plotë e Gazment Bardhit
Në krye të Policisë së Shtetit sot ka një bandit më pak. Ardi Veliu ka qenë çdo ditë në shërbim të grupeve kriminale dhe rrjeteve të caktuara të trafikut ndërkombëtar të drogës. Largimi i tij është i detyruar, pavarësisht rezistencës së gjatë të Edi Ramës.
Nën drejtmin e policisë nga Ardi Veliu:
Shqipëria u rendit ndër vendet kryesore për trafikimin e drogave nga kokaina tek kanabisi.
Departamenti i Shtetit e futi Shqipërinë ne listën e vendeve kryesore për pastrimin e parave të pista.
Të drejtat dhe liritë e qytetarëve u përkeqësuan, duke kulmuar me vrasje në rrugë të të rinjve dhe me rrahje të minorenëve.
alt=”❌” draggable=false role=img class=emoji v:shapes=”_x0000_i1028″> Dhuna e ushtruar ndaj opozitës ishte e paprecedentë.
Policia u përdor në zgjedhje, krah përkrah banditëve, për të blerë vota për partinë në pushtet.
Ardi Veliu nuk është as i pari, as i fundit drejtor policie që gjatë këtyre 8 viteve largohet me turp, duke i shkaktuar dëme të mëdha vendit dhe qytetarëve. Kjo histori do të përsëritet përsa kohë shefi i ardivelinjve, Edi Rama, të jetë partneri kryesor i krimit të organizuar. Pa largimin e Edi Ramës, nuk ka për të patur kurrë luftë serioze ndaj krimit, policët e ndershëm do të vazhdojnë të ndihen të tradhëtuar dhe të demotivuar, si dhe ngjarjet e rënda kriminale do të vijojnë të trondisin qytetet tona./Opinion.al
