Nasa ka bërë me dije se një asteroid gjigand do të kalojë fare pranë planetit tonë pasditen e së martës me një shpejtësi afërsisht 49 mijë km/h.
Asteroidi do të kalojë 3 milionë milje larg Tokës, megjithatë shkencëtarët po e mbajnë nën vëzhgim trajektoren e tij, pasi e konsiderojnë të afërt distancën me planetin tonë.
Sipas “Mirror” meteori me madhësinë e Big Ben quhet “2013 MD8” sipas agjencisë hapësinore nuk do të përbëjë asnjë rrezik për planetin tonë, por gjithsesi ekspertët janë në gatishmëri.
“NASA është e bindur se nuk ka asnjë asteroid në trajektore për të goditur Tokën, kështu që probaliteti për një përplasje të madhe është shumë i vogël. Në fakt, themi me siguri se asnjë objekt i madh nuk ka gjasa që të godasë Tokën në qindra vitet e ardhshme”, thuhet në një deklaratë të NASA./E.M
