Ambasadori i BE në Shqipëri Silvio Gonzato, se palët politike duhet të nisin dialogun për të patur një parlament funskional.
Teksa opozita proteston prej tre muajsh në Parlament, Gonzato thekson se një parlament funksional i shërben vendit për të vijuar procesin e integrimit në BE.
Këto deklarata Gonzato i bëri gjatë një takimi me diplomatë, përfaqësues të forcave politike dhe ekspert, në kuadër të projektit “Platforma e Shoqërisë Civile për negociatat e Grupit të Parë të Kapitujve me BE-në” i mbështetur nga Embassy of the Netherlands in Albania.
“Sot kam qenë dëshmitar se si politikanë shqiptarë nga parti të ndryshme politike u angazhuan në diskutime dhe debate lidhur me rolin e Kuvendit në procesin e negociatave me BE-në. Diskutime të ngjashme duhet të nisin me urgjencë në Kuvend për të rivendosur funksionimin normal të tij. Ky është një nga kushtet themelore që vendet të anëtarësohen në Bashkimin Evropian. Ne punojmë së bashku për të ndihmuar parlamentin të luajë rolin e tij të plotë në anëtarësimin në BE si një institucion transparent dhe efektiv në shërbim të qytetarëve shqiptarë”,tha ambasadori i BE-së, Silvio Gonzato.
