Nisma Thurje ka dorëzuar ditën e sotme në Komisionin Qëndror të Zgjedhjeve listën me kandidatët për këshillat bashkiakë në kuadër të zgjedhjeve lokale të 14 majit.
Kryetari Endri Sahabani tha se Nisma Thurje do të kandidojë për këshillat bashkiakë në 10 bashki të vendit. Ai u shpreh se kanë zgjedhur të garojnë për të fituar kreun e bashkisë së Dropullit, ku theksoi se Nisma Thurje ka një kandidat të fortë që mund të fitojë zgjedhjet.
“Do të garojmë për këshillat bashkiakë në Elbasan Përrenjas, Kukës, Tropojë, Kurbin dhe Mirditë, Klos dhe Mat, dhe Korçë, sigurisht edhe në Tiranë. Kemi zgjedhur të kandidojmë për kreun e bashkisë në Dropull. Duke qenë se Dropull ku kemi një kandidat të fortë që ka probabilitet shumë të lartë për të fituar. Nuk po u ofrojmë qytetarëve një zgjedhje për kryetar bashkie, sepse në këtë fazë që jemi është e pamundur ta fitojmë këtë garë. Por ne mund të fitojmë këshillin bashkiak. Unë do u bëja thirrje qytetarëve sot për të vënë vëmendjen më shumë tek parlamentët e qyteteve. Më thoni 5 anëtarë të këshillit bashkiak të Tiranës. Nuk i njihni asnjërin prej tyre”- u shpreh Shabani.
Deri më tani, Nisma Thurje është e vetmja parti që ka dorëzuar listën e plotë të kandidatëve për këshilltarë bashkiakë në KQZ./Opinion.al
