Në nisjen e fushatës së Partisë Socialiste për zgjedhjet lokale të 14 majit, kryeministri Edi Rama i ka bërë thirrje kandidatëve për kryebashkiakë që të zhvillojnë një fushatë të qetë, por mbi të gjitha miqësore me mjedisin.
Kryeminstri theksoi se nuk është nevoja të bëjnë një fushatë me metodat e vjetra duke ngjitur postera nëpër rrugët e qyteteve, pasi sipas tij kjo është një ndotje e madhe për mjedisin.
“Duhet të bëjmë një fushatë me sa më pak zhurmë, sa me shumë punë, komunikim dhe njerzillëk. Kemi vendosur të përgjysmojmë minimalisht përdorimin e ekraneve të mëdha të skenave popompoze dhe materialeve propagandistike. Do t’ju lutesha kryetareve të bashkisë, mundësisht jo postera që ngjiten nëpër nëpër mure në rrugët e qyteteve, dhe pastaj mbesin aty zbardhin dhe bien copa copa si lëkurë e zgjebes, ndotëse të shëmtuara”, tha Rama./Opinion.al
