Kreu i Partisë Demokratike, Sali Berisha, ka zbuluar sot se drejtuesi i fushatës elektorale të PD në zgjedhjet e 11 majit, Chris LaCivita, do të jetë i pranishëm në nisjen zyrtare të fushatës.
Në një konferencë për mediat, Berisha konfirmoi pjesëmarrjen e tij në nisjen e fushatës dhe theksoi se lajmet se LaCivita është larguar, janë përhapur nga zyra e Kryeministrit Rama.
”Do jetë pa diskutim, siç ju kam thënë. Do jetë në hapjen e fushatës, këtu është përfaqësuesi i tij, jemi në lidhje. Këto lajme i përhap zyra e Edi Ramës, aq i tmerruar është ai njeri. Për tu dhënë zemër të vetëve, u thotë që iku nuk është më.
Po kur ta shohin çfarë do u thotë, se ai i hap këto. A e keni dëgjuar ju kush është konsulenti i tij, fare. I tmerruar, u thotë socialistëve që iku. Ai do vijë, do jetë i pranishëm në një hapje të jashtëzakonshme”, tha Berisha.
