Sapo janë hapur qendrat e votimit në Vermont dhe dita e zgjedhjeve në SHBA.
BBC ka shkruar një artikull për të rikujtuar dhe një herë se si funksionon mënyra për të shpallur fituesin dhe kur pritet të merret vesh presidenti i ardhshëm i SHBA-së.
Si fitohen zgjedhjet?
Presidenti i ardhshëm i SHBA-së përcaktohet nga cili kandidat do të fitojë shumicën në Kolegjin Zgjedhor. Secilit shtet i ndahet një numër votash kolegji elektoral në varësi të popullsisë së tij. Në të gjithë SHBA-në ka gjithsej 538 vota të kolegjit elektoral. Në 48 nga 50 shtetet, kandidatit që fiton më shumë vota individuale i jepen të gjitha votat e kolegjit të tij elektoral. Kandidati fitues duhet të marrë shumicën e tyre, kështu që të paktën 270 nevojiten për të marrë çelësat e Shtëpisë së Bardhë.
Kur do të shpallet fituesi?
Kjo është një pyetje e ndërlikuar dhe përgjigja është “varet”. Disa shtete mund t’i kthejnë rezultatet mjaft shpejt, por për shumë mund të jetë një proces i gjatë, veçanërisht nëse ka një numër të madh votash të parakohshme dhe me postë, të cilat numërohen natën pas atyre të hedhura personalisht. Në zgjedhjet e fundit presidenciale në SHBA në vitin 2020, vetëm të shtunën e parë pas ditës së votimit, mediat amerikane kishin mjaft besim për të shpallur rezultatin.
Kur futet në Shtëpinë e Bardhë fituesi?
Sipas asaj që raporton BBC, një gjë që dihet është se kushdo që fiton zgjedhjet e sotme nuk bëhet zyrtarisht president deri në ditën e inaugurimit kur ata betohen jashtë Kapitolit të SHBA në Uashington DC nga kryetari i Gjykatës së Lartë. Ajo ditë është e hëna e 20 janarit 2025.
