Në qarkun e Korçës kanë nisur reshjet e para të dëborës që prej orës 07:00 të mëngjesit të sotëm. Bëhet e ditur se aktualisht zonat me reshjet më intensive janë në Ersekë si dhe në fshatin Dardhë.
Zona më problematike për momentin paraqitet Qafa e Qarrit, ku ka prezencë ngricash. Në këtë zonë kërkohet nga drejtuesit të pajisen me zinxhira, pasi era e fortë ka ndikuar që të krijiohen ngrica.
Sipas autoritetit lokal të rrugëve nacionale aktualisht nuk ka probleme lidhur me qarkullimin e mjeteve në akset kryesore.
Megjithatë drejtuesve të mjeteve u është bërë thirrje për kujdes për shkak të lagështirës. Mësohet se po punohet nga kontraktorët me pastrim dhe kriposje në rrugët që sipas tyre paraqesin me shumë probleme./Opinion.al/
