TIRANE- Presidenti Bujar Nishani do të jetë sot në orën 12:00 me kërkekësë të anëtarëve të grupimit qytetar për të parë nga afër shesh-ndërtimin e lojërave te Liqeni. Njoftimi është bërë nga zyra e shtypit në Presidencë.
Kështu, Presidenti i Republikës, i papërfshirë deri më tani në debatin e madh opozitë-mazhorancë për parkun e Liqenit, duket se do të ketë një qendrim për këtë çështje.
Kujtojmë se një ditë më parë një grup aktivistësh vizituan zyrën e tij dhe kërkuan mbështetje për anulimin e këtij projekti. Nishani tha dje se duhet reagim për çështje sensitive. Sakaq sot vendos të shkojë vetë dhe të inspektojë parkun e lojërave që po ndërton Bashkia e Tiranës tek Liqeni. Të presim të dëgjojmë se çfarë do të thotë Nishani.
