Pas betimit në detyrën e tij të re si President i Republikës në Kuvend, Ilir Meta, vijoi axhendën e tij në Presidencë ku u bë edhe takimi i kortezisë mes Metës dhe ish-Presidentit Bujar Nishani në zyrën e Presidentit.
“E vlerësoj për qeteësinë dhe qëndrimin e ekuilbruar, kam pasur mundësinë të bashkëpunoj në mjaft rrethana të zhvillimeve politike. Me rëndësi të mos kursehesh të gjesh dhe eksplorar se cfare na bashkon dhe të bësh lëshime, jam besnik i dialogut dhe konsensusit, si gjuha e vetme e suksesshme e politikës”, tha Meta.
Çerek ore më vonë, Presidenti i Republikës Bujar Nishani bashkë me Ilir Metën, do dalin nga zyra e drejtohen drejt hyrjes kryesore të Presidencës, ku dy Presidentët do të zënë vend në krye të shkallëve shoqëruar nga Drejtori i Protokollit të Shtetit.
Pas ekzekutimit të Himnit Kombëtar nga Banda e Forcave të Armatosura, shoqëruar me 21 të shtëna topi, Bashkim Dedja, kryetari i Gjykatës Kushtetuese afrohet drejt Presidentit Ilir Meta për t’i dorëzuar Kushtetutën e Republikës.
