Një burrë dhe vajza e tij e mitur i kanë shpëtuar mrekullisht një atentati. Poshtë makinës ishte vendosur tritol. Në vendngjarje mbërritën policia dhe forcat xheniere, të cilët çmontuan pakon e dyshimtë.
Policia e Vlorës tha se mjeti në fjalë është në pronësi të Bashkim Brahimajt. Ka qenë vet pronari i mjetit që konstatoi pakon e dyshimtë kur doli nga shtëpia për të çuar vajzën në shkollë.
Bashkim Brahimaj është vëllai i Isuf Brahimajt, i cili është vrarë në vitin 2014. Bashkim Brahimajt i është vendosur edhe dy herë të tjera tritol poshtë makinës, por ka mundur të shpëtojë.
Hetuesit janë duke punuar për të zbardhur shkaqet e kësaj ngjarje, që paraprakisht dyshohet se ka lidhje me trafikun e drogës.
Kjo është ngjarja e dytë kriminale që ndodh në Vlorë në një hark të shkurtër kohor. Mbrëmjen e së djelës vdiq në atentat Edison Mehmeti 35 vjeç. /Opinion.al
