Është nisur nga porti ukrainas i Odesës, anija e parë e ngarkuar me drithë.
Lajmi është bërë i ditur nga agjencia ruse Tass duke cituar CNN turk.
“Nga porti i Odesës u nis sot në mëngjes ngarkesa e parë e drtihit ukrainas, në përputhje me kushtet e marrëveshjes ndërkombëtare me Rusinë e nënshkruar në Stamboll”.
Kështu ka bërë të ditur Ministria e Mbrojtjes së Turqisë. “Anija Razoni është nisur nga porti i Odesës për në portin e Tripolit në Liban. Pritet në 2 gusht në Stamboll. Ajo do të vazhdojë udhëtimin për në destinacionin e saj pas inspektimeve që do të kryhen në Stamboll”, shtoi ministria.
“Ukraina, së bashku me partnerët tanë, ndërmorën një hap tjetër sot në parandalimin e urisë në botë”, tha Oleksandr Kubrakov, ministri i infrastrukturës i Ukrainës. Kubrakov theksoi se Ukraina ka bërë “gjithçka” për të rivendosur portet dhe se heqja e bllokadës do t’i jepte ekonomisë ukrainase 1 miliard dollarë të ardhura nga valuta./Opinion.al
