Ditën e sotme ka nisur zyrtarisht votimi i diasporës për zgjedhjet e 11 Majit. Lajmin e ka bërë të ditur kreu i Komisionit Qendror të Zgjedhjeve, Ilirian Celibashi.
Përmes një postimi në rrjetet sociale, Celibashi njofton se mëngjesin e ditës së sotme, zgjedhësi i parë nga jashtë vendit, me vendbanim në Erlangen, Gjermani dhe votues në qarkun Dibër, ka marrë fletën e votimit nga KQZ-ja.
Postimi i Kreut të KQZ:
Votimi nga jashtë ka nisur! Sot, në orën 07:15, zgjedhësi i parë nga jashtë vendit, me vendbanim në Erlangen, Gjermani dhe votues në qarkun Dibër, ka marrë fletën e votimit nga Komisioni Qendror i Zgjedhjeve!
Ky është një hap i rëndësishëm për përfshirjen e qytetarëve shqiptarë jashtë vendit në procesin demokratik të Zgjedhjeve të 11 Majit 2025.
