Këtë të dielë Partia Demokratike po zhvillon zgjedhjet për kreun e ri të kësaj force politike, të cilat kanë nisur në orën 08:00 dhe pritet të mbyllen në 19:00, për të vijuar më pas me numërimin e votave.
Do të jenë rreth 75 mijë anëtarë të Partisë Demokratike të cilët do të votojnë për të zgjedhur mes Lulzim Bashës, Agron Shehajn, Edit Harxhit dhe Fatbardh Kadillit kandidatë në këtë garë.
Në të gjithë vendin janë ngritur 76 qendra votim, përmes të cilave anëtarët e PD do të ushtrojnë të drejtën e votës për të zgjedhur kryetarin e partisë që do ti udhëheqë në betejat e 4 viteve të ardhshme.
Sipas udhëzimit, ata duhet të zgjedhin vetëm 1 prej kandidatëve, pasi vota e tyre do të jetë e pavlefshme nëse votojnë për më shumë se një prej katër emrave në garë. Në fletën e votimit, Fatbardh Kadilli është i renditur i pari, e pas tij Edith Harxhi, Agron Shehaj e Lulzim Basha.
Në të gjitha qarqet janë shpërndarë materialet zgjedhore dhe tashmë ka nisur procesi zgjedhor./Opinion.al
