Këtë të premte ka nisur vaksinimi kundër koronavirusit për bluzat e bardha në Fier. Në nisje të procesit të vaksinimit, ka qenë i pranishëm edhe Kryeministri Edi Rama i shoqëruar nga ministrja e Shëndetësisë, Ogerta Manastirliu.
Rama ka deklaruar se të dielën do të fillojë vaksinimi për kategorinë 80 plus.
“Të dielën do të fillojmë dhe me kategorinë 80 plus. Janë mërzitur disa se kur folëm për personalitete kemi qenë qartësisht sipas planit dhe flitet për disa personalitete që janë e asaj kategorie. Ju e keni parë që nuk është e lehtë, brenda marsit do të kemi 40 mijë dozat. Po punojmë për vaksina të tjera se duam ta mbarojmë për 14 muaj. Do të bëjmë çmos ta realizojmë. Dje po lexoja një raport se janë 140 shtete që nuk kanë asnjë dozë dhe asnjë perspektivë të qartë për momentin.
Po ashtu kryeministri bëri me dije se brenda muajit mars do të mbyllet vaksinimi për bluzat e bardha.
“Brenda marsit do të mbyllen të gjitha bluzat e bardha, kjo është ideja. Keqardhje për Tiret që baltosin bluzat e bardha, lajmi i mir është që e kanë gjetur vendin dhe që ju bëjnë pis dhe ju.”, tha Rama.
