Teksa ka nisur sot viti i ri shkollor, Presidenti i Republikës, Bajram Begaj ka përcjellë një mesazh urimi për të gjithë nxënësit dhe mësuesit.
Përmes një postimi në rrjete sociale, Begaj uroi në veçanti nxënësit e klasave të para, teksa thotë se një brez që sot përqafon diturinë, ndërton një botë dhe të ardhme më të mirë për të gjithë.
“Urimet më të mira dhe suksese të gjithë nxënësve e mësuesve që nisin sot vitin e ri shkollor!
Në veçanti, urime nxënësve të klasave të para që fillojnë maratonën e gjatë, sfiduese, por edhe shpërblyese të dijes.
Një brez që sot përqafon diturinë, ndërton një botë dhe të ardhme më të mirë për të gjithë”, shkruan Presidenti.
