Sot pritet të merret vendimi për Komisionerin Publik Herald Saraçi. Kolegji Posaçëm i Apelimit është mbledhur në orën 09:00 dhe trupi gjykues po shqyrton provat shkresore.
Për Saraçin është kërkuar si masë disiplinore shkarkimi nga detyra. Në seancën e djeshme u dëgjuan pretendimet e vetë komisionerit në lidhje me shkeljet për të cilat ai akuzohet nga ONM.
Sipas Saraçit gjatë ushtrimit të detyrës së tij që nga korriku i vitit të kaluar nuk ka kryer asnjë shkelje.
Saraçi tha se nuk ishte bërë pengesë për miratimin e rregullores së brendshme të komisionerit publik ndërsa shtoi se dy afatet e lëna për miratimin e saj janë përmbushur në kohë.
Pasi administroi provat shkresore Kolegji shtyu seancën për ditën e enjte kur pritet të jepet vendimi.
