Ka nisur seanca plenare e kësaj të enjteje në Kuvendin e Shqipërisë. Në këtë seancë të posaçme janë përkujtuar viktimat e holokausit.
Ligjvënësit shqiptarë kanë mbajtur 1 minutë heshtje për të përkujtuar viktimat në kuadër të Ditës Ndërkombëtare të Përkujtimit të Holokaustit.
E pranishme në Kuvend është ambasadorja e Izraelit dhe ambasadorë të vendeve të tjera në Shqipëri.
Kryeparlamentarja Lindita Nikolla vlerësoi bashkëpunimin mes dy vendeve në luftën kundër semitizmit.
“Lufta kundër anti semetizmit nuk mbron vetëm një komb por është pjesë e projektit për një botë me paqe dhe mirësi. Të nderuar kolegë këtë seancë plenare e përshëndet dhe presidenti i Izraelit. Ai shpreh mirënjohjen e shtetit të tij, për seancën e përkujtimit të viktimave të Holokaustit. Ai vlerëson lidhjet e forta mes dy vendeve.
Presidenti rikonfirmon mbështetjen e izraelit për përballimin e sulmeve të egra ndaj Shqipërisë. Ju bëj me dije se edhe presidenti ynë Begaj i është drejtuar kësaj seance me një letër e cila iu është vënë të gjithëve në dispozicion”, deklaroi ajo./Opinion.al
