Ka nisur këtë të hënë seanca e radhës në Gjykatën Kushtetuese, ku do të shqyrtohet kërkesa e Kuvendit për shkarkimin e Presidentit, Ilir Meta.
Në nisje të seancës, kryetarja e Gjykatës Kushtetuese, Vitore Tusha, është shprehur se Kuvendi vuri në dispozicion përgjigjet e pyetjeve, ndërsa dokumentet u janë shpërndarë anëtarëve të trupit gjykues dhe një kopje e tyre i është dërguar Presidentit. Ndërkohë përfaqësuesit e Presidentit kanë patur një kërkesë specifike. Ato kanë kërkuar një laptop.
Vitore Tusha: Me 4 shkurt parlamenti na solli me shkrim përgjigjet. Kuvendi ka sjell edhe shkesat për ngritjen e Komisionit hetimor dhe seancës për shkarkimin e presidentit Juristi i presidentit kërkon të fus në seancë një laptop.
Bledar Dervishaj: Është laptopi i punës për të shfaqur fakte që lidhen me përgjigjet ndaj Kuvendit.
Vitore Tusha: Gjykata ka mjetet dhe ua vëmë ne në dispozicion.
Kujtojmë se kjo është seanca e tretë që zhvillohet në “Kushtetuese” për shkarkimin e Presidentit Meta./Opinion.al
