Ka nisur seanca gjyqësore për caktimin e masës së sigurisë ndaj dy prej anëtarëve të bandës së trafikut të drogës së vëllezërve Habilaj.
Përveç arrestimeve nga autoritetet italiane ku është prangosur edhe Moisi Habilaj, njeriu kryesor i grupit, autoritetet shqiptare kanë arrestuar edhe dy anëtarë të tjerë të bandës, Armando Koçerin dhe Nezar Seitin.
Koçeri u arrestua pasi në banesën e tij në fshatin Babicë të Vlorës u seksuestrua një sasi prej 4.5 ton drogë kanabis, e cila dyshohej se do të trafikohej në Itali nëpërmjet detit.
Fshati Babicë ndodhet shumë pranë bregut të detit në Vlorë.
