Ka nisur mesditën e sotme seanca gjyqësore në Gjykatën Penale të Tiranës për caktimin e masës së sigurisë për 3 infermieret dhe 1 sanitare të cilat janë arrestuar pak ditë më parë në spitalin COVID-2.
Nga një video e siguruar nga Opinion.al duket se njëra prej infermiereve, Sidorela Çela është përlotur në sallën e gjyqit, teksa është shprehur se ka dy fëmijë të mitur.
Bëhet me dije se Çela ka dy fëmijë të moshave, 7-vjeç dhe 4-vjeç.
Kujtojmë se 3 infermieret Mira Bushi, Sheqerije Koçi, Sidorela Çela dhe sanitaren Rukija Hoxhaj akuzohen për “Mashtrim” dhe “Shpërdorim detyre”.
Ndërkaq, ditën e sotme është dhënë masa e sigurisë “Arrest shtëpie” edhe për një tjetër infermiere, Ronida Hysi, të arrestuar tek COVID-1 e cila grabiti një pacient që ndërroi jetë në spital.
