Studentët e Universitetit “Fan Noli” në Korçë kanë nisur protestën e tyre rreth orës 08:30.
Protestës i janë bashkuar edhe tre shkolla të mesme. Mësohet se gjimnazistët kanë bojkotuar mësimin dhe janë bashkuar me studentët.
Të rinjtë do të mblidhen tek Katedralja e qytetit dhe do të qendrojnë në heshtje si një formë e re proteste që u zbatua dje për herë të parë në Tiranë, para Ministrisë së Arsimit.
Me parullën “Studentët e bashkuar kanë për të fituar” ata kanë marshuar në rrugët e qytetit. E veçanta është se ditën e sotme ata e kanë nisur protestën duke mbajtur 1 minut heshtje për arsimin e dështuar në Shqipëri.
