Në qarkun Lezhë, ka nisur procesi i dezinsektimit, që do të përfshijë dhe zonat turistike të Shëngjinit.
Ky proces, ka si qëllim uljen e dendësisë së mushkonjave në këtë qark, përmes kontrollit të larvave nëpërmjet monitorimit entomologjik.
Në dispozicion për trajtim janë 16,5 hektarë zona te perhershme dhe te perkohshme me uje si pellgje kanale laguna parqe dhe 4500 m² puseta dhe bodrume.
Deri më tani, janë finalizuar katër faza të dezinsektimit në Lezhë. Pritet të finalizohen 12 faza deri në fund të muajit tetor 2025.
“Këtë vit kemi të bëjmë me një proces që ka nisur prej muajt prill, faza e parë. Tashmë jemi në fazën e katërt. Janë 12 të tilla që do të bëhen deri në fund muajt tetor.
Mbetet për t’u parë nëse do të ketë në vazhdimësi, pra edhe gjatë muajit nëntor edhe më tej, nëse do të jetë e nevojshme për të bërë dezinsektimin”, raporton gazetari Martin Marku.
Procesi vjen pas ankesave për pickimin e mushkonjave, si nga pushues në jug të vendit, kryesisht në plazhet e Vlorës dhe të Dhërmiut, por edhe në veri./tvklan
