Ka nisur prej ditës së djeshme pelegrinazhi i besimtarëve në Malin e Shenjtë të Tomorrit. Festa e Bektashinjve që organizohet nga 20-25 Gusht mbledh çdo vit në Teqenë e Kulmakut rreth 300-400 mijë pelegrinë.
Besimtarët ngrenë çadrat e tyre në këtë zonë duke kryer kurbanin sipas traditës dhe ngjitjen në majën e Malit të Tomorrit.
Data 20 gusht shënon nisjen e pelegrinazhit drejt malit të Tomorrit,një mal i konsideruar “i shenjtë”, pasi në të prehet shenjtori i familjes së Profetit Muhamed, Abaz Aliu.
Ndërkohë përmes një video Kryeministri Rama ka njoftuar edhe hapjen e rrugës së për pelegrinazhin.
“Mirëmëngjes dhe me rrugën e re të pelegrinazhit për në Majën e Shenjtë të Tomorrit, ju uroj një fundjavë të mbarë ”, shkruan kryeministri Rama./Opinion.al
