Sot është afati i fundit i dërgimit në KQZ të listave të kandidatëve për deputetë në zgjedhjet e 11 Majit.
Teksa numërimi mbrapsht ka nisur, është mësuar se çfarë do të bëjë Partia Socialiste.
Kryesia e partisë do të mblidhet në orën 18:00.
Po para kësaj, kryesocialisti Edi Rama ka vendosur të takojë drejtuesit politikë të qarqeve. Mbledhja do të nisë në orën 14:30.
Në kampin socialist Rama e ka bërë të qartë se do të ketë një formatim të partisë me emra të rinjtë kandidatësh, të cilët do të jenë në listat e mbyllura së bashku me drejtuesit e qarqeve dhe terrenin për të konkurruar në lista të hapura do t’ia lërë deputetëve aktualë dhe kontributorëve të vjetër të Partisë Socialiste.
Ndërsa sa i përket PD, Kryesia do të vendosë pasditen e sotme listën përfundimtare, e cila do të miratohet më pas nga Këshilli Kombëtar.
Sali Berisha hyn në zgjedhje me një koalicion partish, një prej të cilave u tërhoq sot aleanca./tvklan
