Ka nisur në Bruksel takimi i nivelit të lartë mes Kryeministrit të Kosovës Albin Kurti dhe Presidentit të Serbisë, Aleksandër Vuçiç.
Takimi Kurti-Vuçiç ndërmjetësohet nga zyrtari i Bashkimit Europian, Josep Borrell.
Në takim pritet të diskutohet për zbatimin e Marrëveshjes së Ohrit të arritur mes palëve me qëllim normalizimin e marrëdhënieve mes Kosovës dhe Serbisë.
Kurti, përpara takimit bisedoi me të dërguarin e posaçëm të Shteteve të Bashkuara për Ballkanin Perëndimor, Gabriel Escobar.
Kreu i shtetit serb me një video në Instagram paralajmëroi se takimi i sotëm “do të jetë vështirë”, ndërkohë nënvizoi se vendet e mëdha perëndimore janë kundër Serbisë.
