Debate të ashpra ka patur që në nisje të seancës së kësaj të enjteje në Kuvendin e Shqipërisë. Ka qenë deputeti demokrat Edmond Spaho i cili me rregullore në dorë u afrua në Foltoren e Kuvendit. Ai ka kërkuar ndryshimin e rendit të ditës. Sipas tij seanca e sotme plenare duhet të nisë me interepelancën e kërkuar nga grupimi i Rithemelimit dhe jo me mocionin e debatit të kërkuar nga grupi parlamentar i PD.
Më pas fjalën e mori kreu i grupit parlamentar Taulant Balla i cili ironizioi Spahon duke u shprehur: Unë e kuptoj që e keni të gjithë nga pak Sali nga brenda.
Debatet
Edmond Spaho: Keni shkelur rregulloren.
Ermonela Felaj: Ju ftoj të uleni të zini vendin tuaj. Rregulloren po zbatojmë. A mund të dëgjoni para se kuvendi të marërë një vendim. Ju ftoj të qetësoheni dhe të zini vendin tuaj.
Edmond Spaho: Lexo rregulloren.
Ermonela Felaj: Do më duhet të dëgjoj dy folës para se kuvendi të marrë një vendim. Zoti Spaho jeni pa mikrofon. Ju lutem të dëgjojmë edhe kolegët e tjerë deputetë.
Taulant Balla: Unë e kuptoj që e keni të gjithë nga pak Sali nga brenda. Duke e pasur Saliun brenda merr kot. Kjo është diskutuar edhe në konferencën e kryetarëve. Keni të gjithë eksperiencën e duhur parlamentare. Sot janë dy çështje që janë pikë e parë e rendit të ditës
Edmond Spaho: Lexoni rregulloren.
Ermonela Felaj: Ju lutem të dëgjojmë zotin Balla.
Taulant Balla: Që ty të ka hyrë Saliu brenda të ka hyrë. Po mbaje poshtë Saliun. Mos e ngri deri këtu. Mocionet me debat janë një seancë e posaçme.
