Është mbledhur në Kuvendin e Shqipërisë Komisioni i Posaçëm për Reformën në Drejtësi.
Në mbledhjen që do të zhvillohet me dyer të mbyllura janë parë të hyjnë edhe anëtarët demokratë.
Pritet që të ketë një diskutim në terma profesionalë për ligjin e vettingut.
Përpara mbledhjes së Komisionit, Kryetari i PD Lulzim Basha përfundoi një takim me ekspertë të PD për reformën dhe deputetë demokratë, anëtarë të Komisionit për reformën.
Në takimin që zgjati rreth 30 minuta, fokus i bisedës ishte ligji për vetingut, një ndër 7 ligjet që i bëjnë të zbatueshme ndryshimet kushtetuese të reformës në drejtësi.
Pas takimit deputetët demokratë, i janë drejtuar kuvendit.
Nuk dihet ende nëse do të ketë apo jo dakortësi mes palëve për ligjin e vettingut.
