Ka hyrë në ditën e saj të gjashtë protesta e zhvilluar për vrasjen e të riut Klodian Rasha nga një efektiv policie.
Grupi i protestuesve është mbledhur në shehsin “Skënderbej” nga ku ka nisur tashmë marshimin drejt Kryeministrisë.
Sikurse raportohet në media deri në këto momente, protesta sot ka një miks qytetarësh, ku nuk dominojnë vetëm të rinjtë, por shihet gjithashtu prani e personave më të rritur në moshë dhe e grave.
Ndërkohë, policia ka njoftuar ditës së sotme se nuk do të lejojë grumbullime protestuesish, pasi kjo është e paligjshme në kuadër të aktit normativ në kushtet e pandemisë. Më herët policia ka kryer edhe kontrolle të të rinjve për dokumentat e tyre të identifikimit apo mbajtjen e sendeve të palejuara/Opinion.al
