Opinion ka filluar sot sezonin e ri me një transmetim maratonë duke festuar kështu edhe 20 vite në transmetim. Blendi Fevziu e nisi duke kujtuar emisionin e tij të parë, që filloi më 31 gusht 1997 duke risjellë edhe njëherë të ftuarit që ishin 20 vite më parë.
Tre të ftuarit e parë të emisionit janë Luan Hajdaragaj, Neritan Ceka, dhe në mungesë të Azem Hajdarit, e ftuar ka qenë vajza e tij Rudina Hajdari që tashmë mban edhe ajo postin e deputetes. Emisioni do të jetë në transmetim për 20 orë, dhe çdo gjë do të jetë live. Deri në momentin kur kamerat të zhvendosen te sheshi “Nënë Tereza”, ku do të zhvillohet edhe pritja e të ftuarve./Opinion.al
