Në Gjykatën e Lartë është hapur shqyrtimi gjyqësor i dosjes “Doshi”. Deputeti pati akuzuar Ilir Metën se kishte paguar Durim Bamit për ta eliminuar atë së bashku me ligjvënësin Mhill Fufi. Kjo çështje u hetua nga Prokuroria e cila nuk gjeti asnjë provë për pretendimet e Tom Doshit.
Prokuroria vendosi të akuzojë Doshin, Durim Bamin dhe Mark Frrokun për kallëzim të rremë. Në seancën e kësaj të mërkure kolegji penal ka refuzuar kërkesën e Mark Frrokut dhe Durim Bamit për veçimin e dosjes së tyre duke qenë se ata nuk janë subjekt i Gjykatës së Lartë.
Më pas prokuroria lexoi kërkesën për gjykim ku kërkoi për dëshmuar në këtë proces kryeministrin Edi Rama, ish-kryetarin e Kuvendin Ilir Meta, ish-ministrin e brendshëm Saimir Tahirin dhe Sali Berishën si persona që kanë pasuri dijeni për pretendimet e Doshit.
