“Pas rrëzimit nga kuvendi të kandidaturës së Ledio Brahos, Kuvendi ka nisur fazën e dytë për zgjedhjen e avokatit të ri të Popullit. 15 kandidatët nisën seancën dëgjimore në komisionin e ligjeve”.
Në listën garuese, ka vendosur emrin për herë të dytë anëtari i komisionit të ankimimeve dhe sanksioneve në KQZ, Ilir Rusmajli.
Ndonëse me të seanca dëgjimore është konsumuar, pritet me interes qendrimi që do të mbajë Partia Demokratike për këtë kandidaturë, në kushtet kur luajti një rol kyc për regjistrimin e Enkelejd Alibeajt në zgjedhje.
Postin e Avokatit të Popullit, e synon dhe ish-kryetarja e Gjykatës Kushtetuese, Vitore Tusha.
“Veprimtaritë që kam kryer ndër vite, u kanë dhënë mundësinë jo vetëm palëve në proces, por edhe më gjerë aktorëve të tjerë në shoqëri për të njohur shkallën e përgjegjësisë time kushtetuese dhe qytetare që kam pasur gjatë gjithë ushtrimit të veprimtarisë.”
Bledar Dervishaj, ish- keshilltar i Ilir Metës kur ishte president, po merr pjesë në garë për herë të dytë, por gjithsesi është skeptik për transparencën e këtij procesi.
“Do doja që Kuvendi të merrte ato masa për të na ofruar ne garancinë se procesi do të jetë i drejtë.”
Ndonëse e pranuan kandidaturën e Ledio Brahos, në seancë plenare të dhjetorit, mazhoranca e rrëzoi me argumentin se është i politizuar. Tashmë pritet se kush prej kandidatëve nga kjo listë do të arrijë të mbledhe 28 votat e nevojshme për të cuar emrin për votim në seancë plenare./ Klan News
