Në njësinë nr. 5 në Parkun Olimpik, votimi për zgjedhjet e 11 majit ka nisur me 36 minuta vonesë. Gazetarja Klesiana Omeri raporton se pas më shumë se gjysmë ore, qendra është hapur dhe më në fund ka nisur votimi normalisht. Qytetarët të cilët janë gjendur në qendër që në minutat e para kanë shprehur ankesat e tyre.
“36 minuta me vonesë për të hapur qendrën e votimit kështu që patjetër është krijuar një dyndje qytetarësh të cilët po presin që të votojnë. Momentalisht është hapur qendra e votimit dhe janë duke ushtruar të drejtën e votës votuesit e parë. Janë ende duke pritur,por mund të themi zyrtarisht që procesi ka nisur. Votuesit e parë po ushtrojnë të drejtën e votës pas 36 minutave vonesë për shkak të disa problematikave të hasura me kutitë e votimit dhe organizimin e tyre. Ka pasur një revoltë të qytetarëve që kanë zgjedhur që të ushtrojnë të drejtën e votës që në minutat e para dhe iu është dashur të presin më shumë se gjysmë ore pikërisht për të ushtruar të drejtën e votës”, pohoi gazetarja.
