Hair Saliaj, bashkëshorti i Drita Saliaj ka kërkuar që autorët e krimit të dënohen.
Ai ka rrëfyer momentin kur ka marrë vesh për ngjarjen e rëndë.
“Unë isha në Greqi dhe e marr në telefon dhe nuk ma hapi telefonin. Më njoftoi vëllai i madh, i cili kishte shkuar në polici. Në Greqi kisha shkuar në fund të nëntorit”, tha ai.
Ai shtoi se kjo nuk ishte hera e parë që e kishte lënë vetëm bashkëshorten e tij dhe se ajo nuk kishte shprehur ndonjë shqetësim. Sa për autorët ai tha se do të kërkojë drejtësi edhe për nipin.
Hair Saliaj u shpreh se nuk ka pasur asnjë kontakt me familjarët e nipit.
“Patjetër, edhe fëmija po të ishte ai është krim“, tha Hair Saliaj.
50-vjeçarja Drita Saliaj u vra nga nipi i bashkëshortit dhe dy shoket e tij pas tentativës për të grabitur shtëpinë e saj në fshatin Gjerbës të Mallakastres.
Ajo e ka njohur 16-vjeçarin i cili kishte hyrë për të grabitur me shokët e tij dhe sipas dëshmisë që të miturit kanë dhënë në polici, ajo bëri rezistencë dhe për këtë ata e lidhen dhe për të humbur gjurmët e hodhën në rezervuarin e fshatit.
Sot u zbulua se ishte vjedhur edhe banesa e vëllait tjetër të bashkëshortit të viktimës.
Ai jetonte në Greqi dhe sot u kthye për ceremoninë e varrimit, kur konstatoi vjedhjen në banesën e tij. /Opinion.al
