Kronikë

Nipi hyri me armë e maskë në lokal, deputeti i PS: Di se është jashtë shtetit


Bëhu pjesë e Grupit Zyrtar të Opinion.al
>> KËTU <<
               Publikuar në : 12:31 - 06/12/21 |
Opi Nion

Pasi policia zbardhi ngjarjen e ndodhur rreth tre javë më parë në një lokal në Zejmen të Lezhës, ka ardhur edhe reagimi i deputetit të Partisë Socialiste, Rrahman Rraja. Ky i fundit ka folur për herë të parë pasi Policia e Lezhës konfirmoi që nipi i tij, Ramazan Rraja është shpallur në kërkim.

Deputeti socialist, në një prononcim për “Faxnews”, ka thënë se ka tre muaj pa komunikuar me nipin dhe se e dinte se ai ishte jashtë shtetit.

Kam tre muaj që nuk kam asnjë kontakt, nuk e dija që ishte i përfshirë në këtë ngjarje. Unë e di se ai është jashtë shtetit”,-ka thënë Rrahman Rraja.

Ndërsa Policia e Lezhës, mëngjesin e sotëm ka informuar se është zbardhur ngjarja e ndodhur në fshatin Zejmen, ku tre të rinj janë futur me armë zjarri dhe maska, e kanë tentuar të rrëmbejnë një person.

Sipas uniformave blu, të përfshirë në ngjarje janë Ramazan Rraja, 28 vjeç dhe dy miqtë e tij; Roan Brahimi dhe Alesio Dobrozi.

Në njoftimin e bërë, Policia e Lezhës tha se tre të dyshuarit janë larguar nga Shqipëria pas ngjarjes së ndodhur.

Të tre personat rezultojnë të jenë emra të njohur për drejtësinë. Ata janë të e precedentë të mëparshëm kriminal në fushën e krimeve ndaj personit, armëmbajtjes pa leje dhe narkotikëve,  ndërkohë që menjëherë pas ngjarjes së ndodhur në Lezhë janë larguar jashtë vendit.

Roan Brahimi është arrestuar më parë në 16 maj të vitit 2018 në Lezhë, pasi gjatë kontrollit iu gjetën dhe sekuestruan armë, municione, euro dhe bizhuteri të dyshuara të vjedhura. Sipas policisë tre vite më parë i gjetën një armë zjarri pistoletë “Bereta” me një krehër me 15 fishekë,  14.600 euro dhe një sasi bizhuterish.

Këto materiale u sekuestruan gjatë kontrollit të mjetit tip “Lancia” që drejtohej nga Brahimi. Alesio Dobrozi është i treti i shpallur në kërkim. Ai rezulton i dënuar në 2019 nga drejtësia italiane për vjedhje dhe grabitje./Opinion.al

Pas