Në 27 shkolla në të gjithë vendin të hënën mësimi do të pezullohet për shkak të përmbytjeve nga moti i keq.
Ministrja e Arsimit, Lindita Nikolla ka bërë me dije se mësimi do të pezullohet për pesë ditë në 5 shkolla në Vlorë, në 2 shkolla në Kamëz, në 3 shkolla në Dibër, në 2 shkolla në Kukës, në 1 shkollë në Krujë.
Ministrja nuk bëri me dije se në cilat shkolla do të ndërpritet mësimi, por janë vënë në dijeni Drejtoritë Rajonale përkatëse.
Mësohet se në shkollat ku nuk do të rifillojë mësimi, do të ketë një njoftim të dytë për zëvendësimin e orëve të humbura.
Në shkollat e tjera të paprekura nga përmbytjet, ditën e nesërme, mësimi do të vijojë normalisht, pas ndërprerjes javën që sapo kaloi për shkak të motit të keq.
