Me një zë gati të mekur Lindita Nikolla doli në foltoren e parlamentit pasi kishte mbaruar debati, pasi kishin folur deputetët e opozitës dhe kryeministri. Ajo që diskutohet në rrugë jo zyrtare se Nikolla ka paraqitur dorëheqjen por nuk e ka pranuar Rama (së paku për momentin) u vertetua sot.
“Unë dal nga ministria dhe nuk e kam të vështirë. Kam punuar çdo ditë si të ishte e fundit”- ishin disa nga fjalët e ministres së arsimit Lindita Nikolla në sallën e Kuvendit.
“Do kishte qenë e lehtë për “ndrikull Nikollën me diplomë Kristali” me luksin e çantave mijëra euro. Do kisha shpëtuar nga memet dhe shpifjet që kanë shkuar deri në fëmijërinë time”- tha Nikolla, ndërsa në fund nuk sqaroi se pse po qendron akoma në krye te këtij dikasteri, kur me mijëra student vazhdojnë të protestojnë.
