Në nisje të seancës plenare të ditës së sotme Kryetarja e Kuvendit, Lindita Nikolla, ka lexuar ndryshimet e propozuara nga PD në Grupin Parlamentar.
Kjo ka sjellë reagimet e deputetëve mbështetës së ish-kryeministrit, Sali Berisha që ishin sot në sallë.
Ka qenë Belind Këlliçi, ai që ka lexuar rregulloren e Kuvendit dhe i ka kërkuar Nikollës që të tërheqë njoftimin që bëri duke thënë se nuk është në kompetencat e saj.
Këlliçi: Meqë po përmendni rregulloren këtu dhe të gjithë procedurës standarde ju bëj me dije në rast se nuk keni lexuar kreun 3 nenin 15… Formimi i grupeve parlamentare, deputetet mund të formojnë grupe sipas përkatësisë parlamentare. Çdo deputet ka të drejtë të largohet nga grupi parlamentar, ai për këtë duhet të lajmërojë byronë e kuvendit. Nuk ka ndonjë kërkesë të ndonjë deputeti për tu larguar nga grupi i PD etj. Nuk e di ku keni dispozitën në atë vendim që bëtë. Është e trishtë që ju merrni atributin të vendosni se kush janë deputetët e PD por ju s’keni asnjë lidhje me PD dhe situatën në PD. Ju kërkoj sinqerisht të zbatoni detyrën tuaj kushtetuese, dhe të tërhiqni njoftimin që bëtë sepse nuk është në kompetencat tuaja.
Nikolla: Ky nuk është debat me kryetaren e parlamentit sepse s’ju përjashton Kryetarja e Kuvendit. E ka përcjellë grupi i PD njoftimin dhe unë do e lexoj duke bërë detyrën.
