Ministrja e Arsimit, Lindita Nikolla e thirrur në interpelancë nga disa deputetë të LSI-së, është shprehur se në 5 muaj jetë paralamentare ka qenë prezente në 6 seanca dëgjimore, nga këto 4 në komisionin e edukimit.
“Në këto 4 dëgjesa kam qenë në dispozicion të deputetëve pothuajse 20 ore. 20 orë në dispozicion edhe për shkak të keqdrejtimit të komisionit ku vetëm dëgjesë për çështje nuk ka. Nuk ka si të jetë e tillë kur ministri i thirrur në dëgjesë nuk ka mundësi të flasë dhe të japë shpjegime”, tha Nikolla.
Nikolla tha se janë vetëm 3 VKM të akteve nënligjore që pritet të miratohen brenda shkurtit.
“Ne kemi plotësuar të gjitha udhëzimet e ministrit të Arsimit dhe jemi duke përmbyllur edhe VKM e fundit. Mbledhja e qeverisë së kësaj jave miratoi VKM për gradat dhe titujt akademike. Ju rinformoj se edhe udhëzimi i shumëpërmendur për ngarkesat mësimore tashmë është miratuar. Pra janë vetëm 3 VKM pa miratuar nga aktet nënligjore të cilat përmbyllen brenda shkurtit. Janë realizuar 100% e udhëzimeve të ministrit, janë miratuar në masën 100% urdhërat e ministrat, rregulloret dhe urdhërat e kryeministrit”, u shpreh ministrja.
