Presidenti nacionalist serb, Tomisllav Nikoliç ka deklaruar se nuk do të garojë në zgjedhjet e ardhshme presidenciale dhe se do të mbështese kandidaturën e kryeministrit aktual, Aleksander Vuçiç.
“Ne jemi pajtuar që të vazhdojmë së bashku ta udhëheqim vendin”, tha Nikoliç pas takimit me Vuçiçin duke shtuar se “do të diskutojmë për funksione pasi ne t’i fitojmë zgjedhjet”.
Partia Progresive populliste, më 17 të këtij muaji, e ka nominuar Vuçiçin, i cili ka udhëhequr politikë për integrim evropian, që të jetë kandidat i saj në zgjedhjet presidenciale.
Në deklaratën e përbashkët pas takimit, Nikoliç dhe Vuçiç kanë shprehur nevojën për “unitet” për të zgjidhur problemet rajonale dhe për të evituar krizat.
Megjithatë, në këtë deklaratë nuk theksohet në mënyrë të qartë se Nikolliç nuk do të synojë mandatin e dytë në presidencë.
