Aktori 34-vjeçar nga Tirana, Nik Xhelilaj, shquhet për natyrën diskrete në publik, por kësaj here ka vendosur të ngacmojë pak fantazinë e femrave, duke postuar këtë foto të nxehtë nga plazhet e Spanjës. Artisti thotë se sapo ka nisur pushimet për këtë verë, ndërsa pozon i ulur në shezlong me rroba banje të zeza, duke tymosur cigare elektronike, ku duket shumë i relaksuar.
Jo vetëm trupi në formë dhe me muskuj barku, por edhe qëndrimi i aktorit duket shumë provokues si rrallëherë, duke tërhequr vëmendjen e femrave, të cilat kanë filluar një luftë të vërtetë mes tyre kush e kush të shkruajë komentin më të nxehtë dhe erotik të mundshëm poshtë fotos së aktorit, në mënyrë që ai të reagojë.
Kështu, përshëndetjes së Nikut: “Hola from Spain, Malaga Beach” i janë përgjigjur disa vajza dhe gra të huaja, të cilat duket se i kanë përzgjedhur fjalët për të komplimentuar artistin nga Shqipëria, i cili pas Turqisë tani po bën karrierë kinematografike në Gjermani. Përveç ikonës së zjarrit që i kanë nisur pas çdo komenti femrat nga shumë vende të Europës, nuk i kanë kursyer fjalët ngacmuese që i kanë shkruar Xhelilajt. “Dukesh i mrekullueshëm , por si arrite të nxihesh kaq shpejt? Disa ditë më parë ti ishe i bardhë, jo shumë i bardhë, po më i bardhë se tani… Ti dukesh i mrekullueshëm zemër…”, “Uauu çfarë pamje!!! Do të doja të shkruaja të tjera gjëra, por s’mundem se jam në punë. Por nuk mund të rri do pa ta thënë se dukesh i mrekullueshëm”, ishte komenti i një tjetër vajze poshtë fotos së konsideruar “hot”, shkruan Panorama.
Një tjetër komentuese e huaj i shkruante: “Vdes të ulem pranë teje dhe të shijojmë diellin bashkë”. Ndërsa një tjetër e komplimenton në këtë mënyrë: “Ke flokë dhe gjoks të bukur…”, e të tjera që i komentonin “respektoj trupin tënd”. Aktori më seksi i Shqipërisë dihet që pas karrierës në Turqi tani është vendosur në Gjermani, që kur regjisori Philip Stolzl e zgjodhi protagonist kryesor të filmit me famë historike “Winnetou”. Deri para pak kohësh nuk e njihte askush në Gjermani, por jeta e tij ka
Aktori shqiptar u shfaq në tri pjesë në RTL në fund të dhjetorit 2016, duke ndjekur kështu gjurmët e aktorit të ndjerë legjendë, Pierre Brice. Në një intervistë për “express.de”, Xhelilaj rrëfeu disa sekrete për t’u dukur plot muskuj dhe madhështor në rolin e Winnetout, fizik që e ka arritur me dietë dhe palestër: “Sinqerisht ju them është shumë e vështirë për ta menduar, veçanërisht në 15 ditët e para, pastaj ju mësoheni me atë sistem, mirëpo në asnjë mënyrë nuk guxoni të hani karbohidrate. Por unë e falënderoj Zotin për këtë mundësi të domosdoshme, përndryshe kurrë nuk do të kisha ushtruar kaq shumë dhe trupi im nuk do të dukej kështu”. Po femrat, sa janë të pranishme në jetën e tij? “Jo, në këtë moment nuk kam të dashur. Nëse unë njoh një femër të mrekullueshme, natyrisht që do të jetë mrekulli edhe për mua”, u shpreh ai, duke theksuar se i pëlqejnë femrat e thjeshta, ashtu siç janë në të vërtetë.
