Nicole Scherzinger ka “goditur” ish të dashurin e saj Lewis Hamilton në një intervistë të dhënë pak ditë më parë për revistën “Fabulous”.
Këngëtarja ka thënë se Hamilton ka qenë shumë egoist gjatë lidhjes së tyre.
Ajo ka treguar se Lewis Hamilton kampioni i Formula 1 nuk i kushtonte vëmendje mjaftueshëm në 7 vite që qëndruan së bashku. Nicole thotë që ka dhënë shumë nga vetja e saj, por nuk ka marrë asgjë mbrapsht, informon Klan Plus
“Si gra, ne priremi ta duam personin tjetër dhe të japim gjithçka për të, por ndonjëherë personi tjetër është shumë egoist dhe mendon vetëm për veten e tij”.
Edhe pse nuk ka dashur të dorëzohej pas një kohe të gjatë ajo hoqi dorë nga kjo marrëdhënie e pa të ardhme. Për të ndarja ka qenë shumë e vështirë por vendosi të ecte para.
Tani, ish pjesëtarja e grupit “Pussycat Dolls” është në një lidhje me yllin e tenisit Grigor Dimitrov.
“Unë nuk bie lehtë në dashuri, por kur ndodh përfshihem e tëra dhe i dedikohem asaj.”
