Gjykata e Tiranës ka lënë në burg 52-vjeçarin Gjergj Laçi, i cili u arrestua dy ditë për ngujimin e familjes së tij për gjashtë vite.
Në seancë ka pretenduar se nuk ka ushtruar dhunë ndaj dy djemve dhe gruas, teksa sipas tij nuk i ka penguar që të dalin jashtë.
Sa i përket, arsyes se përse nuk i dërgonte fëmijët në shkollë, 52-vjeçari ka deklaruar se nuk ka asnjë nevojë. Ai ka pretenduar se është i pafajshëm dhe se fishekët e thikat i mbante për punë.
“Nuk i kam dhunuar gruan dhe gruan, s’i kam penguar të dalin nga shtëpia”, ka thënë ai para gjykatës.
Ndërkohë, avokati i tij ka kërkuar ekspertizë mjeko ligjore, për shëndetin mendor.
