Kreu i Partisë Demokratike Lulzim Basha, gjatë një takimi elektoral me banorët dhe fermerë të Divjakës, është shprehur se qeveria ka ngritur çmimin e naftës dhe nuk mbështet fermerët.
Ndërsa më tej në fjalën e tij kryedemokrati ka theksuar se nafta në Shqipëri do jetë më lirë se në gjithë vendet e Ballkanit.
“Mos te arrish të shesësh produktin as sa kostoja është krim. Rama ju thotë të merrni kredi si zgjidhje. Kryeministri i pikturave, mashtrimeve, gënjeshtrave tani është edhe kryeministri i bankave. Ju jap fjalën se brenda vitit të parë në asnjë vend të Ballkanit nafta s’do jete me lire sesa në Shqipëri. Fermerët shqiptare janë të goditurit e Republikës së Vjetër”- tha Basha.
Nga ana tjetër Basha i është përgjigjur edhe dollisë së Ramës, që ngriti për të gjatë një takimi me peshkatarët e Vlorës, kur tha: “Hajde ngremë një dolli tani, do pimë për Bashën në Mallakastër”.
“Sot ka ngritur dolli për mua me peshkatarët e Vlorës. Mos ngri dolli për mua Edi Rama, por tregoju peshkatarëve të Divjakës, Vlorës pse nuk mbajte premtimin. Pse duhet te detyrohen t’i rregullojnë varkat e tyre në Greqi e Itali. Lëri dollitë sepse peshkimi s’ka asgjë për të festuar sepse e ke zhytur në dëshpërim peshkimin dhe blegtorinë”- tha Basha.
Video/ “Prioritetet e gabuara”, ja kujt i drejtohet Basha me këtë mesazh të fortë
Kreu i Partisë Demokratike Lulzim Basha, me anë të një statusi në “Facebook”, ka publikuar një vedeo ku përbri saj shkruan “prioritetet e gabuara”. Basha më tej në video shikohet të ketë renditur të gjitha punët që ka bërë qeveria Rama, dhe shkruan se jane para te hedhura kot ne keto projekte. Basha ka theksuar gjatë fushatë së tij elektorale që prioritet do ti japë ekonomisë.
